#Психологиялық_қолдау_орталығы
#Позитивті_мағыналар_аумағы
#Позитивті_ойлау
#Отбасының_құндылығы
#Сенім_мен_қолдау
#Жауапты_болашақ
Мектебімізде «Позитивті мағыналар аумағы» онкүндігі аясында оқушылардың психоэмоционалдық саулығын нығайту және позитивті ойлау дағдыларын дамыту мақсатында 5 сыныпта «Ресурстар дөңгелегі» атты психологиялық іс-шара өткізілді.
Іс-шара барысында оқушылар өз өміріндегі қолдау көздерін анықтап, жеке ресурстарын көрнекі түрде бейнеледі. Қатысушылар отбасы, достар, сүйікті істер, жеке қабілеттер, денсаулық және ересектердің қолдауы сияқты маңызды ресурстарды атап өтті. Бұл жұмыс балаларға қиын жағдайларда өзіне сенім артуға және көмек сұраудың маңызын түсінуге мүмкіндік берді.
Жаттығу интерактивті және шығармашылық форматта өтіп, оқушылардың белсенділігі жоғары болды. Балалар өз ойларын еркін білдіріп, бір-біріне қолдау көрсетті. Іс-шара оқушылардың өзіне деген сенімділігін арттырып, эмоционалдық тұрақтылықты қалыптастыруға оң әсерін тигізді.
Аталған іс-шара оқушылар арасында жағымды өмірлік көзқарас қалыптастыруға, әлеуметтік қолдауды нығайтуға және алдын алу бағытындағы тәрбиелік жұмыстың тиімділігін арттыруға бағытталды.
