6 желтоқсан күні мектеп оқушылары өрт сөндіру бөліміне танымдық сапар жасады. Сапардың мақсаты – оқушылардың өрт қауіпсіздігі туралы білімін арттыру және өрт сөндіруші мамандығының маңыздылығымен таныстыру болды.
Өрт сөндіру бөлімінің қызметкерлері қызықты экскурсия өткізіп, өрт сөндіру машиналарының жабдықтары мен заманауи құрал-жабдықтарын көрсетті. Сондай-ақ, өрт қауіпсіздігі ережелерін сақтау қажеттілігі және төтенше жағдайларда әрекет ету жолдары туралы айтып берді.
Оқушылар үшін ең қызықты сәттердің бірі – өрт сөндірушілердің арнайы киімін киіп көру және өрт сөндіру машиналарының құрылысын жақыннан зерттеу болды. Сонымен қатар, балалар мамандарға сұрақ қойып, олардың жұмысының қиындығы мен ерліктері туралы көптеген ақпарат алды.
Бұл іс-шара оқушыларға ұмытылмас әсер қалдырып, пайдалы білім сыйлады. Өрт сөндіру бөлімінің қызметкерлеріне жылы қабылдауы мен танымдық экскурсиясы үшін алғысымызды білдіреміз!
